بسم الله الرحمن الرحيم
السلام عليكم
عندي لكم مسجات حلوة..أتمنى انها تعيبكم
*****
تدري منو انا..؟؟
انا اللي بشوق انتظرك..وبكل لحظه ابي قربك..انا اللي بصدق احتاجك..واشتاق لصدق احساسك..انا اللي بصدق حبيتك..وعيوني انا سميتك
*****
ياطير ياللي في السما اتحوم..بلغ سلامي للخوي في محله..وبلغ تحيات المحبه كثر ماتروم.. للحبيب اللي نهب قلبي وشله
*****
صدفه تذكرتك وانا ماني بناسيك..واشتقت لأيام بها كنت وياك..ذكرت حلم مات وأحياه طاريك..وحب غدى مابين همك وذ****..ليتك تشوف اللي من الناس يغليك..مسجون بأسوار الزمن كيف يلقاك..؟؟
*****
لو التهينا بالزمن مانسينا..ناس عزيزه والمعزه وهايب..ان غاب غيرك يفقد الكون انسان..وان غبت عني افقد الكون كله..كلن يقول ان الوفا صعب نلقاه.. وانا اقول ان الوفا فيك مخلوق
*****
وش حيلة اللي علته داخل الجوف..نار الفراق بوسط صدره تصلا..وش حيلتي ياناس والحال منصوف..نصفين على اللي تغلا..نصف يقول اصبر ترى يحن ويروف..ونصف يقول اللي تغلا تخلا..
*****
ليتك تعرف ان الهوى سهم ذباح..وقلوب عشاق المحبه رقيقه..وليتك تعرف ان شفت رقمك ارتاح..والقلب يسعد يوم لقى رفيقه..انا الحزين وباقي الناس بأفراح..وانا الأسير وخلق ربي طليقه..
*****
يكفي أكون بقلبك اذا غبت..ويكفيني تذكر اسمي في غيابي..طيفك معي مايغيب ولو نمت..القاه بأجمل الأحلام ينسيني اكتئابي..(بقايا عذاب)حروف اسمي مثل ماشفت..سهله تحفظها وحلوة تذكرها بغيابي..
*****
ياللي تعلمني على جدول الضرب..عطني نتيجة ضرب واحد بواحد..وقل لي وش اللي يجمع السلم والحرب..وش فايدتهن لاغدن شي واحد..وأعلمك ياقبلة الشرق والغرب..وش تعني الدنيا اذا غاب واحد..؟؟
*****
رز الوعد ياصاحب العرف رزه..وانا لزيمك في نهار الطلايب..ان ضقت خذ قلبي فضاك وتنزه..نوخ بقلبي معضلات الركايب..ومثلك ليا من ضاق يبشر بعزه..ناتي بما يرضيه ولو هي غصايب..
*****
طال صبري وانتهى حده يوم خلي طول غيابه..ماعرفنا شالذي صده مختلف جوه عن احبابه..مادرابي كم انا اوده ناهبن قلبي من اسبابه..لو طلب عيني فلا ارده هو نصخ روحي وانا احيابه..
*****
يهمك تعرف اوضاعي انا مستانس وطيب..انا مثل البحر تهيج وتركد امواجه..ابد لايشغلك حزن بعيني شوفه يشيب ..حبيبي هذا هو طبعي احب الحزن واحتاجه..وتسألني عن اوضاعي ارد اقول انا طيب..مع اني صدق بغيابك لاطيب ولاحاجه..
*****
هلا باللي تــمــيز بزين "الأخلاق"
هلا باللي لعب "بقـلبـي" وغدابه
تستاهل مني "التحيات"و "الأشواق"
تامر على "قلبي" ولك منه الإجابه
عسى مايجي بيني وبينك "فراق"
وعسى درب "المحبه" مايصك بابه
*****
أدري والله يارفيقي وقتي لك غادي قليل
حيل أنا مقصر ولكن قلبي لحظه مانساك
*****
جمعت الشوق وأهديته عيونك..
وكل الحب في دربك نثرته..
وعطرت المشاعر من جنونك..
وزفيت العمر لك لو خسرته..
زماني ماتخيلته بدونك..
وليلي دون همسك ماسهرته..
أحبك مثل ماحظك يخونك..
وأحبك مثل ماجابك الحظ وشكرته..
*****
<<تقــدر>>
تنسى عيون اللي بعد الهجر يبكيك..
ويخاف دمع عيونه يكتب على خده..((حبيبي وين ))..
<<حبيبــي>>
لوراحت صورتك تبقى حياتي بس ماضيك..
وصدى ذ**** مايرحم خاطري ولايرفق بحنيني..
*****
لا تواخذني على قل الوصال..
الأمل مابيك مني تقطعه..
الوفا بيني وبينك لايزال..
ماخضع قلبي لغيرك وأرفعه..
كل شي فيك يناديني تعال..
وكل شي في فؤادي يسمعه..
لكن اعذرني على قل السؤال..
في خفوقي لك حروف أربعه..
أحــبــك
*****
بعض الصداقه مجرد أرقام وأعداد،،
تنمحى مع الأيام وتصبح زوالي،،
والبعض ينقش في ثرى الروح بمداد،،
نسقيه من دم القلب ويصير غالي،،
*****
يقولون اني طـمـاع..؟؟؟
وأنا والله ماطلبت إلا أكون..
عين كل منهو يشوفك بعينه..
أكون ذاك الهوى بجوفك..
أكون دمك في وريدك..
أكون عندك وقبلك وبعدك وحولك..
وياليت لو تسمح..
أكون في حلمك وعلمك..
عــاد بذمتك..أنا طـمـــاع..؟؟؟
*****
يا صاح دمعي من عنا البعد همال..
شوف الليالي كيف هزت زماني..
ماجيت أبي منك ملايين وأموال..
ربي وهبني من النعيم وعطاني..
جيتك رفيق سابقه حلم وآمال..
راجي وصالك ولا أبي شي ثاني..
تحياتي
الإثنين يونيو 06, 2011 4:11 am من طرف 
